عمل كبدة الدجاج على طريقة ملاك الربيع بسم الله الرحمن الرحيم احبائي اليوم اني مسويتلكم الكبدة على طريقتي الخاصة دائما من اسويها لزوجي يكولي عاشت ايدج اي زفرة مابيها 1\ اغسل الكبدة بالماء واعوفها بالمصفي حتى ينشف الماء 2\ اخليها بجدر على النار مع شوية ماء واخليلها بصلاية صغيرة وشوية ملح ونومية بصرة مااكسرها لكن اثقبها بالسكين....... ثم الاحضها من حين لاخر وارفع الزفرة منها حتى تنضج وتستوي 3\ اخليها بمصفي وطبعا اذب النومي والبصل بعد مااحتاجهن اخض الكبدة حتى تزول منها بقايا الزفرة 4\ اثرمي بصل حسب رغبتج كثير او قليل وبعد اثرمي طماطية واذا حابة تخليلها بتيتة اوفلفل رومي ماكو اي اشكال حسب ذوقج وفنج 5\ نخلي جدر نظيف على النار ونخلي شوي زيت ونضع البصل ونحمس بعدما يذبل البصل نخلي الكبدة والطماطة {واي شي ثرمتي} ثم نضع ملعقة اكل معجون طماطة ونقلب ثم نتاكد من الملح ونخلي شوي بهارات دجاج وفلفل اسود مطحون ونتركها شوي على النار بعدها الف عافية هذه الاكلة احنة العراقيين نسميها جلفراي كبدة الدجاج